Akuzat për ngacmim, lënë nën hije suksesin e Jacksonit


Gati dhjetë vjet pas vdekjes së tij të papritur, suksesi i mbretit të muzikës pop, Michael Jackson, është vënë në dyshim në dokumentarin për akuzat për abuzim seksual me fëmijë, të cilat nuk i ka pritur mirë familja e tij.

“Largimi nga Neverlandi”, dokumentar për dy burra, tani në të 30-tat dhe 40-tat, që rrëfejnë se janë abuzuar nga këngëtari Jackson kur ishin shtatë dhe dhjet vjeç. 

Dokumentari do të transmetohet në kanalin amerikan HBO më 3 dhe 4 mars, ndërsa në Britani e transmeton Channel 4, më 6 dhe shtatë mars. Familja e Jacksonit e ka kritikuar ashpër filmin dhe pritet të ngrejë padi ndaj HBO-së, duke thënë se dokumentari shkel marrëveshjen e vitit 1992 që kanali kabllor të mos njollosë këngëtarin.

“Michael Jacksoni është i pafajshëm. Pikë”, thuhet në sqarimin e padisë. HBO-ja i është kundërpërgjigjur familjes Jackson duke thënë se dokumentari katërorësh do të transmetohet dhe në të do të kenë qasje të gjithë.